Comillasen emango diogu amaiera ikasturteari

Cartel concierto de ComillasVista de Comillas

Arg: Brumas Norteñas  / Cosal

Albokak abesbatzak Kantabriako Comillas herrira bidaiatuko da Brumas Norteñas abesbatzarekin egingo duen elkartrukeko lehen emanaldia eskaintzeko.

Kantabriako abesbatzak antolatzen duen XXII Abesbatzen Topaketan parte hartuko dugu. Hitzordua hilaren 9an, 21:00etan izango da San Cristobal parrokian.

Honako egitaraua eskainiko dugu:

  • Hanaqpachap Cussicuini ANÓNIMO – Lima (Perú), 1631

  • Kyrie PIOTR JANCZAK

  • Durme durme DOINU SEFARDIAMold. Audrey Snyder

  • Izar ederrak JOSU ELBERDIN

  • Lau teilatu ITOIZ – Mold. Javier González Sarmiento

  • Martxa baten lehen notak MIKEL LABOA – Mold. Jose Manuel Urréjola del Rosario

  • Maximina DOINU KOLONBIARRAMold. Julián Gómez Giraldo

  • City of stars (La La land) JUSTIN HURWITZ – Mold. Roger Emerson

Doinuetako batzuetan Amaia Dorronsoro piano jolearen laguntza izango dugu. Gainera abesbatzako kideek ere solista modura edo perkusio jole modura parte hartuko dute hainbat abestietan.

Brumas Norteñas abesbatzak ere bere egitarauko lagin bat eskainiko du emanaldian.

Harrera ederra izan zuen Alboka Abesbatzak, Irunen

Concierto de Alboka Abesbatza en Irun

Nayade Abesbatzak San Pedro eta San Marcial jaien aurretik eskaintzen duen emanaldian gonbidatu izan zen Lasarte-Oriako abesbatza.

Santiagoko Euskal Jai pilotalekuan bildu ziren entzuleek egitarau anitzaz gozatu zuten.

Nayade abesbatzaren eskutik, ahots zurien doinuen txanda izan zen lehenik. Euskal zein nazioarteko konposatzaileen kantak eskaini zituzten David Azurzaren Oihu hau, Eva Ugalderen Tximeletak, Ola Gjeiloren Tundra edo Morten Lauridsenen Sure on this shining night.

Alboka Abesbatzak jarraian estilo ezberdinetako kantak eskaini zituen: euskal doinuak, sehaska kanta sefardia edo Kolonbiako porroa. Montse Latorreren zuzendaritzapean eta Javier Gonzalez Sarmiento piano jolearen laguntzaz, dantzan edo kantuan jarri zituen entzuleak.

Amaieran bi abesbatzek oholtzan batu eta Lesbordesen Kantuz zein Txoriak txori doinu ezaguak abestu zituzten.

Eta elkartrukeari modu ezin hobetan amaiera emateko afaria ere izan zuten bi abesbatzek.

Jaietako emanaldia

Eta larunbat honetan, berriz, San Pedro jaietako kontzertua eskainiko du herriko abesbatzak 19:30ean, Ama Brigitarren komentuan. Gaur egungo zein aitzinako doinuak entzun ahalko dituzte komentuko kaperan bilduko diren herritarrek. Hala nola, La La Land filmeko City of Stars abestia edo Itoiz taldearen Lau Teilatu doinu ezaguna.

Abesbatzak Miren Gabirondo piano jolearen laguntza izango du eta solistak eta perkusioa ere izango dira.

Ez da hau azken kontzertua izango ordea, kontzertu hori baino lehen ekainaren 23an Erketz EDTk eta hainbat herritarrek dantzatzen duten San Joan eguneko Soka dantza girotuko du Zero Sette akordeoi orkestrarekin batera eta uztailan Comillasera (Kantabria) bidaiatuko da herriko abesbatza eta bertan emango dio amaiera ikasturteari.

Nayade abesbatzarekin kontzertua Irunen

Cartel del concierto con Nayade en Irun

Alboka Abesbatzak Irungo San Pedro eta San Marcial jaien aurretiko egitarauan parte hartuko du. Nayade Abesbatzak gonbidatuta, hilaren 18an, 19:30ean emanaldia eskainiko dute bi abesbatzek Santiagoko Euskal Jai pilotalekuan. Eguraldi txarra eginez gero, Kontserbatorioko aretoan izango da.

Montse Latorreren zuzendaritzapean, honako doinuak eskainiko ditu abesbatzak:

    • Izar ederra – JOSU ELBERDIN

    • Itsasoa laino dago – LESBORDES

    • Durme durme – Sefardi doinua. Mold. AUDREYSNYDER

    • City of stars (La La Land) – JUSTIN HURWITZ. Mold. ROGER EMERSON

    • Lau teilatu – ITOIZ. Mold. Javier González Sarmiento

    • Maximina – Kolonbiako doinua. Mold. JULIÁN GÓMEZ GIRALDO

    • Martxa baten lehen notak – MIKEL LABOA. Mold. Jose Manuel Urréjola del Rosario

Abesbatzak Javier Gonzalez Sarmiento piano jole eta konposatzailearen laguntza izango du hainbat kantetan. Hala nola, Gonzalez Sarmientok berak moldatutako Itoiz taldearen Lau Teilatu abesti ezaguna. Eta abeslariak ere izango dira protagonista solista edo perkusio jole modura.

Emanaldia pandemiak etendako elkartrukearen bigarren saioa da. Nayade abesbatza 2019ko abenduan Alboka Abesbatza lagundu zuen Gaboneko Kontzertuan.