Author: Alboka Abesbatza

Alboka Abesbatzak Erriberriko Abesbatzen III. Topaketan parte hartuko du

Alboka Abesbatzak Coral Olitense abesbatzarekin egingo duen elkartrukeko lehen kontzertua eskainiko du Erriberrin.

Lasarte-Oriako abesbatzak Erriberriko taldeak antolatzen duen Abesbatzen Musika Hamabostaldiko bigarren jardunaldian parte hartuko du hilaren 19an, 20:00etan Santa Maria elizan.

Albokak Iruñeko Ganbara abesbatzarekin eta Coral Olitenserekin partekatuko du saioa.

Lasarte-Oriako abesbatzak honako egitaraua eskainiko du:

  • Kyrie PIOTR JANCZAK

  • Hanaq pachap Cussicuini ANONIMOA – Lima (Perú), 1631

  • Jana erthi viti ir ALBANIAKO DOINUA – Mod. Edoardo Materassi

  • Ecce novum OLA GJEILO

  • City of stars (La La land) JUSTIN HURWITZ, Mod. Roger Emerson

  • Lau teilatu ITOIZ – Mod. Javier González Sarmiento

Erriberriko Abesbatzen III. Topaketako egitaraua

Montse Latorrek zuzendutako taldeak Amaia Dorronsoro piano jolearen laguntza izango du doinu batzuetan. Abesbatzako Mikel Urreizti eta Elena Eguileta kideak ere solista modura arituko dira City of Stars doinuan.

Hiru abesbatzen jardunaren ostean, emanaldiari amaiera emateko guztiek batera David Azurzaren Dantzantik obra estreinakoz abestuko dute.

Entseguak hasi ditugu

Oporren ostean, Alboka Abesbatza ikasturte berria prestatzeko lanean hasi da. Abesbatzak hainbat emanaldi eta ekitaldietan parte hartuko du urtean zehar. Horien artean nabarmentzen dira, Zero Sette Akordeoi orkestra eta Erketz EDT taldeekin batera Euskararen Maratoian eskainiko duen emanaldia eta Soriako abesbatzari zein Comillaseko Brumas Norteñas abesbatzari egingo zaizkien harrerak.

Entseguak egiteaz gain, guztiok batera mokadutxo bat jateko aukera izan genuen irailaren 12an.

Alboka Abesbatzak abestea gustuko duten lasarteoriatarrak gonbidatzen ditu entsegu batean parte hartu eta egiten duen lana ezagutzera.

Comillasen emango diogu amaiera ikasturteari

Cartel concierto de ComillasVista de Comillas

Arg: Brumas Norteñas  / Cosal

Albokak abesbatzak Kantabriako Comillas herrira bidaiatuko da Brumas Norteñas abesbatzarekin egingo duen elkartrukeko lehen emanaldia eskaintzeko.

Kantabriako abesbatzak antolatzen duen XXII Abesbatzen Topaketan parte hartuko dugu. Hitzordua hilaren 9an, 21:00etan izango da San Cristobal parrokian.

Honako egitaraua eskainiko dugu:

  • Hanaqpachap Cussicuini ANÓNIMO – Lima (Perú), 1631

  • Kyrie PIOTR JANCZAK

  • Durme durme DOINU SEFARDIA – Mold. Audrey Snyder

  • Izar ederrak JOSU ELBERDIN

  • Lau teilatu ITOIZ – Mold. Javier González Sarmiento

  • Martxa baten lehen notak MIKEL LABOA – Mold. Jose Manuel Urréjola del Rosario

  • Maximina DOINU KOLONBIARRA – Mold. Julián Gómez Giraldo

  • City of stars (La La land) JUSTIN HURWITZ – Mold. Roger Emerson

Doinuetako batzuetan Amaia Dorronsoro piano jolearen laguntza izango dugu. Gainera abesbatzako kideek ere solista modura edo perkusio jole modura parte hartuko dute hainbat abestietan.

Brumas Norteñas abesbatzak ere bere egitarauko lagin bat eskainiko du emanaldian.